Viruvirupu, Friday 06 May 2011, 02:28 GMT

“நீங்கள் இந்த நாட்டவர் இல்லை போலிருக்கிறதே!”

ஒரு புதுவிதமான பிரச்சினை இது. தாங்கள் எந்த நாட்டவர் என்று இவர்களுக்குத் தெரியும்... ஆனால், விஷயம் அந்த நாட்டுக்குத் தெரியாது!
சுவாரசியமான இந்த செய்தியை நண்பர்களுடன் பகிரலாமே:

மேலை நாடுகள் சிலவற்றில் இன்னமும் குடியுரிமை பெறாத தமிழர்கள் வசிக்கிறார்கள். தமிழர்கள் மாத்திரமல்ல, வேறு இனத்தவர்கள் பலரும் அப்படி வசிக்கிறார்கள். தமிழர்களை நாம் கூறியது உதாரணத்துக்கு. இவர்கள் தமக்கு ஏதோ ஒரு காலத்தில் அந்த நாட்டில் குடியுரிமை கிடைக்கும் என்ற நம்பிக்கையில் இருக்கிறார்கள். அவர்களுக்கு அந்தப் புதிய நாட்டில் பிறக்கும் குழந்தைகளுக்கு ஆட்டோமாட்டிக்காக குடியுரிமை கொடுக்கும் நடைமுறையும் பல மேலை நாடுகளில் உண்டு.

இவர்களில் அனைவருக்குமே தாம் பிறந்த நாட்டில் குடியுரிமை உண்டு. ஏதோ காரணத்துக்காக அந்தக் குடியுரிமை வேண்டாம் என நிராகரித்துவிட்டுப் புதிய நாடு ஒன்றில் குடியேறி இங்கு பிரஜாவுரிமைக்காகக் காத்திருப்பவர்கள் இவர்கள். நிலைமை தலைக்குமேல் போனால் இவர்களால் தமது தாயகத்துக்குச் செல்ல தமது குடியுரிமையைப் பயன்படுத்த முடியும்.

மொத்தத்தில் இவர்களுக்கு ஏதோ ஒரு இடத்தில் குடியுரிமை இருக்கிறது. அவர்கள் பிறப்பால் எந்த நாட்டவர் என்ற அடையாளம் இருக்கிறது.

மியன்மாரிலிருந்து நாட்டின் எல்லையைக் கடந்து காட்டுப் பாதையூடாக தாய்லாந்தின் நகரங்களுக்கு வந்து சேர்கிறார்கள்.

ஆனால் பல லட்சக்கணக்கான மக்கள் எந்த நாட்டு குடிமக்கள் என்பது அவர்களுக்கே தெரியாமல் இருக்கிறார்கள் என்பது உங்களுக்குத் தெரியுமா? இவர்களுக்கு எந்தவிட அடையாளமும் கிடையாது.

இவர்கள் ஏதோ ஒரு நாட்டில் பிறந்திருக்க வேண்டுமல்லவா? அந்த  நாடுகளால் புறக்கணிக்கப்பட்டார்களா? அல்லது மறக்கப்பட்டார்களா?

இவர்களது குழந்தைகள் பள்ளிக்கு செல்லவோ, ஏதாவது ஒரு சொத்தை வாங்கவோ இவர்களுக்கு உரிமை இல்லை. இவர்கள் இருக்கும் நாட்டில்  தர்தலில் வாக்களிக்கவோ, இருக்கும் நாட்டிலிருந்து இன்னொரு நாட்டுக்கு பயணம் செய்யவோ இவர்களால் முடிவதில்லை. அருகில் இருக்கும் ஒரு நகரத்திற்கு கூட இவர்களால் செல்ல முடிவதில்லை. இவர்களுக்கு மனிதர்களுக்கு உண்டான அடிப்படை தேவைகள் கிடைப்பதில்லை. குறிப்பாக வீடு என்று சொல்லிக்கொள்ள இவர்களுக்கு ஒரு இடமில்லை.

இவர்களுக்கு ஏன் குடியுரிமை ஏன் இல்லை? இவர்களது பிரச்சனையின் ஆணிவேர் எது? இவற்றையெல்லாம் யாரும் கண்டு கொள்வதில்லை. சுருக்கமாகச் சொன்னால் மனித இனத்தால் இவர்கள் மறக்கப்பட்டவர்கள்!

இப்படிப்பட்ட மக்கள் சுமார் 20 லட்சம் பேர் தாய்லாந்து நாட்டில் இருக்கிறார்கள். இவர்கள் இன ரீதியாக அங்குள்ள சிறுபான்மைக் குழுக்களைச் சேர்ந்தவர்களாக (மலைவாழ் பழங்குடியினர்) இருக்கிறார்கள். ஒருவேளை, உலகில் நாடற்றவர்களில் அதிகமானோர் இவர்களாகத்தான் இருக்கக்கூடும்.

இவர்களில் பெரும்பாலானவர்கள் தாய்லாந்தின் மியான்மார் நாட்டு எல்லைப் பகுதியில் பிறந்தவர்கள். தாங்கள் தாய்லாந்தில்தான் பிறந்தோம் அல்லது தங்களது பெற்றோர் தாய்லாந்தில்தான் பிறந்தனர் என்பதற்கான ஆவணங்கள் ஏதும் இவர்களிடம் இல்லை.

மே-லா அகதிகள் முகாம், தாய்லாந்து.

“எனது அனைத்து உரிமைகளும், இன்னும் சொல்லப்போனால் எதுவுமே, எப்போதுமே எனக்குக் கிட்டவில்லை” என்கிறார் பாதிக்கப்பட்டவர்களில் ஒருவரான, 38 வயது சய்தா யெங் கயூதாம், இவர் ஒரு தோட்டக்காரராக வேலை பார்த்து வருகிறார். “நான் எங்கும் போக முடிவதில்லை. அடையாளம் ஏதும் இல்லாத காரணத்தால் ஆஸ்பத்திரிக்குகூட செல்ல முடிவதில்லை. வியாபாரம் செய்ய முடியவில்லை. படிக்க முடியவில்லை. நாங்கள் எங்களுக்குரிய வேலையை தேர்ந்தெடுக்க முடியவில்லை. மற்றயவர்களுக்கு வேலை செய்துகொடுக்கும் தொழிலாளியாகத்தான் இருக்க வேண்டியிருக்கிறது” என்கிறார் அவர் ஏக்கத்துடன்.

“இங்குள்ள மற்றவர்களுக்கு கிடைக்கும் அடிப்படை வசதிகள் ஏன் எனக்கு கிடைக்கவில்லை?” என்று கேள்வி அவர் எழுப்புகிறார் “நான் இந்த நாட்டின் குடிமகனாக இருந்திருந்தால், எனது கல்வியை முடிந்திருக்கலாம். நான் ஏற்கனவே ஒரு முதுநிலை பட்டத்தை வாங்கியிருப்பேன். இந்த நாட்டின் குடிமக்களாகவுள்ள எனது நண்பர்களில் சிலர் முதுநிலை பட்டதாரிகளாக இருக்கிறார்கள்” என்றும் அவர் கொதிக்கிறார்.

இந்த சய்தாயெங்கை போன்ற பலர் உலகமயமாக்கல் யுகத்தில் அதிகரித்து கொண்டு வருகிறார்கள். குறிப்பாக ஆப்பிரிக்க நாடுகளில் இது போன்ற மக்களுக்கு குடியுரிமை அளிப்பது அல்லது பறிப்பது போன்றவை அரசியல் ஆயுதங்களாக பயன்படுத்தப்பட்டு வருகின்றன.

“மக்கள் தங்கள் குடியுரிமையை பெற ஜனநாயகம் வழிவகுக்குகிறது. இது மிக முக்கியமான சமூக மற்றும் அரசியல் அந்தஸ்து. அப்படிப்பட்ட இந்த குடியுரிமையை தங்களது அரசியல் எதிரிகளை தேர்தலில் தோற்கடிக்க சில அரசியல் கட்சிகள் அவற்றை கருவிகளாக பயன்படுத்தி வருகின்றன” என்கிறார் ஜேம்ஸ் கோல்ட் ஸ்டான். இவர் ஓபின் சொசைட்டி ஜஸ்டிஸ் இனிஷியேட்டிவ் என்ற அமைப்பின் நிர்வாக இயக்குநரான இருக்கிறார்.

தற்போது உலகத்தில் 1 கோடியே 50 லட்சம் மக்கள் நாடற்றவர்களாக இருக்கிறார்கள். இது ஒரு உத்தேசமான கணக்குத்தான். சரியாகப் பார்க்கப் போனால் எவ்வளவு பேர் நாடற்றவர்களாக இருக்கிறார்கள் என்பது யாருக்குமே தெரியாது.

விமானத்துறை
நன்றாக உள்ளதா? சமூக வலைத்தளங்களில் பகிர்ந்து கொள்ளலாமே:
VIRUVIRUPUon Google+
NEWS UPDATES
April 18, 2014, 09:01 GMT April 18, 2014, 08:26 GMT April 18, 2014, 06:00 GMT April 18, 2014, 03:38 GMT April 18, 2014, 03:17 GMT April 18, 2014, 02:44 GMT April 17, 2014, 08:36 GMT April 17, 2014, 06:57 GMT April 17, 2014, 06:45 GMT April 17, 2014, 06:41 GMT
Follow viruvirupu on Twitter
Premium Contents
தேர்தல் நேரத்தில் தி.மு.க.வுக்கு தர்மசங்கடம்! ‘சுடுகாட்டு கூரை’ புகழ் செல்வகணபதிக்கு 2 ஆண்டு சிறை!! Friday 18 April 13:35 GMT
இலங்கை போர் குற்றவாளிகள் பட்டியல் ஐ.நா.வுக்கு போகிறது! சில போர் குற்றவாளிகளுக்கு feeding bottle தேவை!! Friday 18 April 13:10 GMT
மூழ்கிய கப்பலில் சிக்கிய பயணிகளை விட்டுவிட்டு முதலில் தப்பி சென்ற கேப்டன்! Friday 18 April 09:58 GMT
ஜோர்தான் எல்லையை நோக்கி வந்த ராணுவ வாகனங்கள்: மர்மம் ஓரளவு விலகுகிறது! Friday 18 April 08:07 GMT
விடுதலை புலிகளுடன் தொடர்புடைய 40 பேருக்கு எதிராக இன்டர்போல் Red Notice Friday 18 April 07:07 GMT
அழகிரி வியூகம்: அண்ணன் மேகத்துக்குள் நின்று தி.மு.க. வேட்பாளர்கள் மீது அம்பு விடுவாராம்! Friday 18 April 05:55 GMT
கருணாநிதியின் எம்.ஜி.ராமச்சந்திரன் அ.தி.மு.க.வில் ஐக்கியம்! அடுத்த தரிப்பிடம் எங்கே? Friday 18 April 05:20 GMT
விடுதலைப் புலிகளை பிடிக்க சி.பி.ஐ., திருச்சி தி.க. பிரமுகர் மூலம் செய்த முயற்சி Friday 18 April 04:44 GMT
சீமான் முழக்கம்: “ஓவராய் சரக்கடிச்சாலும் கண்ணில் இரட்டை இலை தெரிய வேண்டும்” Thursday 17 April 05:48 GMT
மோடி-விஜய் சந்திப்பால் யாருக்கு பலன்? கொஞ்சம் பொறுங்க, ‘கத்தி’ தயாரிப்பாளர் சொல்வார்! Thursday 17 April 04:16 GMT
ஈழப் போரின் இறுதி நாட்கள்-19: புலிகளுக்கு எதிராக வெளிநாட்டு உளவுத்துறைகள்-1 Thursday 17 April 01:10 GMT
அமெரிக்க மாணவர்களை உளவாளிகள் ஆக்க வெளிநாட்டு உளவு ஏஜென்ஸிகள் முயற்சி -FBI வீடியோ Thursday 17 April 00:02 GMT
மோடியை சந்திக்க காத்திருக்கும் மு.க. அழகிரி! சந்திப்பு சைகாலஜிகல் இம்பாக்ட்டை கொடுக்கலாம்!! Wednesday 16 April 21:26 GMT
கிழக்கு உக்ரேன் விமானப்படை தளத்தை கைப்பற்றியது யார்? மர்மமாக ஏதேதோ நடக்கிறதே!! Wednesday 16 April 06:30 GMT
எப்படி ஜெயித்தது அல்-ஜசீரா டி.வி. சேனல்-26: பின்லேடன் வீடியோ கேசட் வந்தது! Wednesday 16 April 05:01 GMT