இலங்கைக்கு எதிராக ஓட்டு: ஜெயலலிதா பிரதமருக்கு சொன்னது என்ன?!

Viruvirupu, Friday 23 March 2012, 07:06 GMT

சமீபகாலமாக எதிரும் புதிருமாக கருத்துக்களையே மத்திய அரசும், தமிழக அரசும் கூறிவருவது வழக்கமாக இருந்தது. ஒரு சேஞ்ச்சாக, ஐ.நா.வில் இலங்கைக்கு எதிராக கொண்டுவரப்பட்டு, இந்தியாவால் ஓட்டளிக்கப்பட்ட தீர்மானம் தொடர்பாக இந்தியப் பிரதமரும், தமிழக முதல்வரும் ஆளையாள் இடிக்காமல் கருத்து தெரிவித்துள்ளனர்.

பிரதமர் மன்மோகன் சிங் டில்லியில் செய்தியாளர்களிடம், “இலங்கையில் சிறுபான்மையினராக உள்ள தமிழர்களுக்கு நீதி கிடைக்க வேண்டும்; கண்ணியமாக வாழ வேண்டும் என்பதற்காகவே ஐ.நா.வில் அமெரிக்காவின் தீர்மானத்துக்கு ஆதரவாக வாக்களித்தோம்” என்று கூறியுள்ளார்.

தமிழக முதல்வர் ஜெயலலிதா, “அமெரிக்கா கொண்டு வந்த தீர்மானத்தை ஆதரிக்க வேண்டும் என வற்புறுத்தி, இரண்டு கடிதம் எழுதினேன். மத்திய அரசு அதை ஏற்றுக்கொண்டு, ஆதரித்து வாக்களித்திருக்கிறது” என்று தெரிவித்துள்ளார்.

“என்னதான் நாம் இலங்கைக்கு எதிராக வாக்களித்தாலும், இலங்கையின் இறையாண்மை பாதிக்கப்படுவதை இந்தியா விரும்பவில்லை. ஒரு விஷயத்தில் சாதக, பாதகங்களை ஆராய்ந்து பார்க்க வேண்டும். இலங்கை தொடர்பாக நாம் எடுத்த நிலைப்பாட்டின் அடிப்படையிலேயே இந்தத் தீர்மானத்தை ஆதரித்துள்ளோம்” என்றார் பிரதமர்.

இலங்கை வெளியுறவு அமைச்சர் ஜி.எல்.பீரீஸ், “இந்தத் தீர்மானமே இலங்கையின் இறையாண்மைக்கு எதிராக கொண்டுவரப்பட்டதுதான். இதற்கு ஆதரவாக இந்தியா வக்களிப்பது, எமது இறையாண்மையை பாதிக்கும் என்பதைவிட, நாளைக்கே உங்கள் (இந்தியாவின்) இறையாண்மையையும் பாதிக்கலாம்” என்று கூறியிருந்தார்.

முதல்வர் ஜெயலலிதா, “இலங்கை வெளியுறவு அமைச்சர், நமது வெளியுறவு அமைச்சர் கிருஷ்ணாவிடம் இந்த தீர்மானத்தை ஆதரிக்கக்கூடாது என  வற்புறுத்தினார். அதைத் தொடர்ந்து, தமிழகத்தில் உள்ள முக்கிய கட்சிகள் அனைத்தும், தீர்மானத்தை ஆதரிக்க வேண்டும் என்று குரல் கொடுத்தன. இந்த நிர்பந்தத்தின் பேரில் மத்திய அரசு, நேற்றைய தீர்மானத்தை ஆதரித்து ஓட்டளித்தது, எங்களுக்கு மகிழ்ச்சி அளிக்கிறது” என்று கூறியுள்ளார்.

குறிப்பிட்ட அமெரிக்க தீர்மானத்தில், சிறியதாக ஒரு திருத்தத்தை செய்யுமாறு புது டில்லி கோரியது என்றும், அமெரிக்கா ஒப்புக்கொண்டு அந்த திருத்தத்தை செய்த பின்னரே, இந்தியா அதற்கு ஆதரவாக வாக்களித்தது என்றும் ஜெனீவா தகவல்கள் கூறுகின்றன.

இப்போது, பாரதப் பிரதமர், இலங்கை அமைச்சர், தமிழக முதல்வர் ஆகியோர் கூறியவற்றை நாம் கொடுத்த அதே வரிசைப்படி மீண்டும் ஒருமுறை, படித்துப் பாருங்கள்!

Follow viruvirupu on Twitter
∇ LATEST UPDATES ∇
பிரீமியம் கட்டுரைகள்>Ⓟ
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-57Ⓟ Monday 01 June 03:41 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-56 Thursday 28 May 03:05 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-55Ⓟ Monday 25 May 03:04 GMT
ஈரானிய தூதரகம் வெடித்து சிதறிய மர்மத்துக்கு இதோ விடை: ஆ! இவர்களா குண்டு வைத்தது?Ⓟ Saturday 23 May 03:00 GMT
பின்-லேடனின் உடலுடன் எடுத்துச் செல்லப்பட்ட ஆவணங்கள், கடிதங்களின் சில சாம்பிள்கள்Ⓟ Friday 22 May 14:04 GMT
டமாஸ்கஸ்ஸில் வெடித்துச் சிதறியது ஈரானிய தூதரகம்! கதை மூடி மறைக்கப்படுகிறது!!Ⓟ Thursday 21 May 03:24 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-54Ⓟ Wednesday 20 May 01:53 GMT
அமெரிக்க டெல்டா அதிரடிப் படை தாக்குதல்: பின்-லேடன் வேட்டை பாணியில் மற்றொன்று!!Ⓟ Tuesday 19 May 23:38 GMT
வீழ்ந்தது ரமாடி! ISIS மீது தாக்குதல் நடத்தும் வெளிநாட்டு படைகளுக்கு அவமானம்!!Ⓟ Monday 18 May 03:08 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-53Ⓟ Monday 18 May 01:36 GMT