SAMSUNG vs LG: டி.வி. தயாரிப்பில் மெகா தொழில்நுட்ப திருட்டு லீக்!

Viruvirupu, Wednesday 18 July 2012, 05:35 GMT

பூட்டோடு கோவிந்தா!

Samsung நிறுவனம், தமது தொழில்நுட்ப ரகசியத்தை போட்டி நிறுவனமான LG திருடிவிட்டது என்று புகார் கூறியுள்ளது. டி.வி. டிஸ்பிளேகளில் தற்போது பிரபலமாகி வரும் OLED தொழில்நுட்பத்தை எல்.ஜி., சாம்சங்கிடம் இருந்து திருடியது என்பதே குற்றச்சாட்டு.

இரு தினங்களுக்குமுன், எல்.ஜி. நிறுவனத்தின் 11 அதிகாரிகள் இந்த திருட்டில் தொடர்புடையவர்களாக உள்ளார்கள் என்ற தகவலை கொரிய  இணையத்தளம் யொன்ஹாப் வெளியிட்டிருந்தது. அந்த தகவலுடன் இந்த விவகாரம் சூடு பிடித்தது.

திருட்டில் ஈடுபட்ட 11 அதிகாரிகளும் கொரியாவை சேர்ந்தவர்கள் என்றும், இவர்கள் அனைவருமே சாம்சாங் நிறுவனத்தின் முன்னாள் அதிகாரிகள் என்றும் கொரிய இணையத்தளம் கூறியிருந்தது. எல்.ஜி. நிறுவனம், இந்த 11 பேருக்கும் சகல வசதிகளையும் செய்து கொடுத்து, அதிக ஊதியத்தில் தமது தலைமைச் செயலகத்தில் உயர் பதவிகளும் கொடுத்து, அமெரிக்காவில் குடியேற வசதியும் செய்தி கொடுத்தது என்றும் கூறப்பட்டது.

சாம்சங் நிறுவனம் தென்கொரியாவில் நேற்று (செவ்வாய்கிழமை) வெளியிட்ட அறிக்கையில், “எல்.ஜி. நிறுவனம் எமது தொழில்நுட்பத்தை திருடியதுடன், எமது நிபுணர்கள் பலரையும் ஆசை காட்டி கவர்ந்துள்ளது. இதனால் எமக்கு பல மில்லியன் வான் (கொரிய நாணயம்) நஷ்டம் ஏற்பட்டுள்ளது” என்று குற்றம்சாட்டியுள்ளது.

இந்த திருட்டில் தாம் ஈடுபடவில்லை என எல்.ஜி. அறிவித்துள்ளது. “OLED தொழில்நுட்பத்துடன் கூடிய எமது 55-இஞ்ச் டி.வி.க்கள் ஜனாதிபதி விருது பெற்றுள்ளன. அப்படியிருக்கையில் இந்த தொழில்நுட்பத்தை நாம் அவர்களிடம் (சாம்சங்) இருந்து திருட வேண்டிய அவசியம் ஏதுமில்லை. எம்மீது ஆதாரமற்ற முறையில் புகார் கூறியிருப்பதால், சாம்சங்மீது வழக்கு தொடர்வோம்” என்கிறது எல்.ஜி.-யின் அறிக்கை.

இவர்கள் குறிப்பிடும் OLED தொழில்நுட்பம் என்பது, வழமையான LCD திரைகளைவிட மெல்லிய திரைகளில் டிஸ்பிளேகளை காண்பிப்பது. தற்போது இந்த டிஸ்பிளே தொழில்நுட்பம், ஸ்மார்ட் போன்களில் அதிகம் பயன்படுத்தப்படுகிறது. OLED தொழில்நுட்பத்தில் டி.வி. ஸ்கிரீன்களை வெறும் 4 மி.மி. தடிப்பில் உருவாக்குகிறது எல்.டி.

2015-ம் ஆண்டில், அனைத்து டி.வி. செட்களும் OLED தொழில்நுட்பத்துக்கு மாறிவிடும் என்று எதிர்பார்க்கப்படுகிறது.

Follow viruvirupu on Twitter
∇ LATEST UPDATES ∇
பிரீமியம் கட்டுரைகள்>Ⓟ
அம்மா ரிலீஸூக்கும் கத்தி ரிலீஸூக்கும் நோ கனெக்ஷன்! இப்போ இது ‘வேறு’ வெவகாரம்!!Ⓟ Monday 20 October 17:46 GMT
ஈழப் போரின் இறுதி நாட்கள்-44: வன்னியில் விடுதலை புலிகளின் இறுதி நாட்களில் நடந்தவை-9Ⓟ Monday 20 October 15:17 GMT
சிரியாவில் ஆயுத மழை! C-130 விமானத்தில் இருந்து பெட்டி பெட்டியாக விழும் ஆயுதங்கள்!Ⓟ Monday 20 October 08:22 GMT
மலேசியா விமானம் MH17 மர்மம்: ஜேர்மன் உளவுத் துறையிடம் ‘ஏதோ’ ரகசியம் உள்ளது!Ⓟ Monday 20 October 07:59 GMT
சுவீடன் கடலடியே ரஷ்ய நீர்மூழ்கிக் கப்பலை எப்படி ட்ராக் பண்ணியது உளவுத்துறை?Ⓟ Monday 20 October 02:33 GMT
9/11: விடை தெரியாத சில கேள்விகள், வில்லங்கமான சில பதில்கள், மேலும் சில மர்மங்கள்-10Ⓟ Monday 20 October 01:28 GMT
சுவீடன் கடலடியே சந்தேகத்துக்குரிய நடமாட்டம்! கப்பல்கள், ஹெலிகாப்டர்கள் தேடுதல் வேட்டை!!Ⓟ Sunday 19 October 13:53 GMT
எல்லையில் ISIS: “ஆயுதம் குடுங்க” லெபனான் ராஜதந்திரி போய் இறங்கினார் ஈரானில்!Ⓟ Sunday 19 October 09:10 GMT
கொபானியில் ISIS திணறுவது ஏன்? அங்காரா விமான தளத்துக்கு வந்த சி.ஐ.ஏ. விமானங்கள்!Ⓟ Sunday 19 October 07:22 GMT
ரஷ்ய ராணுவ உளவுத்துறை உளவாளியாக செயல்பட்ட போலந்து ராணுவ கர்னல் சிக்கினார்Ⓟ Sunday 19 October 06:20 GMT