உலகம்

“சுஷ்மா சுராஜ் கூறுவது பொய்” இலங்கை அரசு வட்டார QUOTING!

Viruvirupu, Wednesday 25 April 2012, 05:14 GMT

இலங்கை சென்ற இந்திய எம்.பி.க்கள் குழுவின் தலைவி சுஷ்மா சுராஜ், “இலங்கை ஜனாதிபதியுடன் பேசாத விஷயத்தை பேசியதாக, பொய் அறிக்கை வெளியிட்டார்” இவ்வாறு இலங்கை அரசு அதிகாரிகளை மேற்கோள் காட்டி செய்தி வெளியிட்டுள்ளது கொழும்பில் இருந்து வெளியாகும் தி ஐலன்ட் ஆங்கிலப் பத்திரிகை.

இந்தப் பத்திரிகை, அநேக விஷயங்களில் இலங்கை அரசின் கருத்துக்களை சரியாகத் தெரிவிக்கும், அரசு ஆதரவு பத்திரிகை.

“இலங்கை ஜனாதிபதி, தமிழர் பிரச்னையை தீர்க்கும் விஷயத்தில் 13-வது சட்டத் திருத்தம் (இது இந்தியாவால் தயாரிக்கப்பட்டது) கவனத்தில் கொள்ளப்படும் என உறுதியளித்தார். இவ்வாறு இலங்கை வந்த இந்திய எம்.பி.க்கள் குழுவின் தலைவி சுஷ்மா சுராஜ் தெரிவித்திருந்தது முழுப் பொய் என்று இலங்கை அரசு வட்டாரங்கள் தெரிவிக்கின்றன.

சனிக்கிழமை காலை சுஷ்மா சுராஜ் மற்றும் இந்திய எம்.பி.க்களை ஜனாதிபதி சந்தித்தபோது, 13-வது சட்ட திருத்தம் தொடர்பாக முன்னாள் ஜனாதிபதி ஜே.ஆர்.ஜெயவர்த்தனேவுக்கு இந்தியா நெருக்கடி கொடுத்தது என்றுதான் கூறினார். குறித்த சந்திப்பில் இந்திய எம்.பி.க்கள் மற்றும், கொழும்பில் உள்ள இந்திய தூதர் ஆகியோர் கலந்து கொண்டிருந்தனர்.

13-வது சட்டதிருத்தத்தை தாம் அமல் படுத்துவதாக ஜனாதிபதி ராஜபக்ஷே தெரிவிக்கவே இல்லை. இதை இலங்கை அரசுத் தரப்பில் இருந்து எம்மிடம் உறுதிப்படுத்தினார்கள்” என்று கூறியிருக்கிறது ஐலன்ட் பத்திரிகை.

சுஷ்மா சுராஜ், வெள்ளிக்கிழமை, சனிக்கிழமை இரு தினங்களிலும் இரு தடவைகள் இலங்கை ஜனாதிபதியை சந்தித்தார். வெள்ளிக்கிழமை தனிமையிலும், சனிக்கிழமை அவரது சக குழுவினருடன் சேர்ந்தும் அந்த சந்திப்புகள் நடைபெற்றன. இரு சந்திப்புகளிலும் 13-வது சட்டத்திருத்தத்தை அமல் படுத்துவதாக யாரும் உறுதி அளிக்கவில்லை என்று இலங்கைப் பத்திரிகை அடித்துக் கூறுகிறது.

இலங்கை அரசு, அதை மறுக்கவில்லை.

இலங்கையில் இருந்து திரும்பிவிட்ட சுஷ்மா சுராஜ், டில்லியில் இருக்கிறார். இலங்கை ஜனாதிபதி ராஜபக்ஷே அரசு முறை பயணமாக தென் கொரியாவின் சோல் நகரில் இருக்கிறார். தி ஐலன்ட் பத்திரிகையின் ஆசிரியர் கொழும்புவில் இருக்கிறார்.

யாராவது ஒருவர் வாய் திறந்து சொன்னால்தான், உண்மை தெரியவரும்!

Follow viruvirupu on Twitter
∇ LATEST UPDATES ∇
பிரீமியம் கட்டுரைகள்>Ⓟ
ஜெயலலிதாவுக்கு இன்று ஜாமீன் NO! திடீரென பெங்களூருவில் காட்சிகள் தலைகீழாக மாறின!!Ⓟ Wednesday 01 October 06:17 GMT
ஜோர்தானுக்குள் மொசாத் மறைத்து வைத்த உளவு சாதனங்கள் வெளியே வரப் போகின்றன!Ⓟ Wednesday 01 October 04:59 GMT
ISIS, தலைநகர் பாக்தாத்தில் இருந்து சில கி.மீ. தொலைவு வரை வந்து விட்டது உறுதியானது!Ⓟ Wednesday 01 October 02:43 GMT
ஜெயலலிதா தரப்பு கோர்ட் நடவடிக்கை: “5 நிமிடம் போதும், வழக்கு பொலபொல ஆகிடும்”Ⓟ Wednesday 01 October 02:09 GMT
கடல் கொள்ளையர்கள் பணய தொகையை பங்கு போட்டதில் விழுந்த ஐந்து கொலைகள்!Ⓟ Wednesday 01 October 00:27 GMT
திரையுலகின் ‘அம்மா’ உண்ணாவிரதம்: “ஐயோ, இந்த சோகம் ஒன்றே நமக்கு போதுமுங்க”Ⓟ Wednesday 01 October 00:20 GMT
ராஜதந்திர மர்ம உலகம்: விக்கிலீக்ஸ் மூலம் வெளியான திகைப்பூட்டும் பகீர் ரகசியங்கள்-3Ⓟ Tuesday 30 September 23:10 GMT
9/11: விடை தெரியாத சில கேள்விகள், வில்லங்கமான சில பதில்கள், மேலும் சில மர்மங்கள்-7Ⓟ Tuesday 30 September 15:22 GMT
ஜெ. ஜாமீன் பகீர் ட்ரிக்: ரூ.100 கோடி அபராதம் கட்ட ஆளிருக்கு! 100 கோடிக்கு கணக்கு இருக்கா?Ⓟ Tuesday 30 September 13:28 GMT
“ஜெயலலிதா கைது சர்வதேசம் பிளஸ் ராஜபக்ஷே, சதி! வட்டியும் முதலுமாக திருப்பி கொடுக்கவுள்ளார் நாஞ்சில் சம்பத்!Ⓟ Tuesday 30 September 07:46 GMT