ராஜிவ் கொலை வழக்கு: மூவரையும் டில்லி கொண்டுசெல்ல முயற்சி தீவிரம்!

New Delhi, India: The Supreme Court yesterday (Tuesday) reserved its verdict on the plea to transfer the petitions filed by three convicts facing death sentence in the Rajiv Gandhi assassination case — Santhan, Murugan and Perarivalan — from the Madras High Court to the Supreme Court.

The Bench was hearing a petition filed by L.K. Venkat, President of G.K. Moopanar Peravai, affiliated to the Congress party seeking transfer of the petitions to the Supreme Court on the ground that the atmosphere in the High Court was not conducive for a fair hearing.

ராஜிவ் கொலை வழக்கில் தூக்கு தண்டனை பெற்ற மூவரின் (சாந்தன், முருகள், பேரறிவாளன்) விசாரணையை சென்னை ஹைகோர்ட்டில் இருந்து டில்லி சுப்ரீம் கோர்ட்டுக்கு மாற்ற வேண்டும் என்ற மனு, சுப்ரீம் கோர்ட்டில் நேற்று (செவ்வாய்க்கிழமை) விசாரணைக்கு எடுத்துக் கொள்ளப்பட்டது.

மனு மீதான விவாதங்களை கேட்ட சுப்ரீம் கோர்ட் நீதிபதிகள் ஜி.எஸ்.சிங்க்வி, எஸ்.ஜே.முக்ஹோபாடயா ஆகியோர் அடங்கிய பெஞ்ச், தீர்ப்பு வழங்குவதை ஒத்திவைத்துள்ளது. குறிப்பிட்ட மனு, ஜி.கே.மூப்பனார் பேரவையையின் தலைவர் எல்.கே.வெங்கட் என்பவரால் தாக்கல் செய்யப்பட்டிருந்தது.

“சென்னை ஹைகோர்ட்டில் ராஜிவ் காந்தி கொலை வழக்கு தொடர்பான விசாரணைகள் நடைபெறும்போது, தூக்கு தண்டனை பெற்றவர்களுக்கு ஆதரவாக ஏராளமானவர்கள் திரண்டு கோஷம் இட்டு ஆதரவு தெரிவிக்கிறார்கள்.

இதனால் இந்த விசாரணை சென்னையில் நடைபெறுவதால், தூக்குத் தண்டனை பெற்றவர்களுக்கு சாதகமான சூழ்நிலை உருவாகிறது. அதனால், வழக்கை டில்லிக்கு மாற்ற வேண்டும்” என்பதே ஜி.கே.மூப்பனார் பேரவை தலைவரின் மனு.

தூக்குத் தண்டனை பெற்ற மூவரின் சார்பில், பிரபல வக்கீல் ராம் ஜெத்மலானி ஆஜராகி, இந்த வழக்கை சென்னையில் இருந்து டில்லிக்கு மாற்றக்கூடாது என்று வாதிட்டார்.

தமிழக அரசின் சார்பில் அடிஷனல் அட்வகேட் ஜெனரல் குரு கிருஷ்ணகுமார் ஆஜரானார். தமிழக அரசின் நிலைப்பாடும், இந்த வழக்கை சென்னையில் இருந்து டில்லிக்கு மாற்றக்கூடாது என்பதே.

ராஜிவ் கொலை வழக்கில் தூக்குத் தண்டனை வழங்கப்பட்டவர்களுக்கு ஆதரவான வழக்கு சென்னையில் நடைபெற்றபோது, கோர்ட்டில் ஏராளமான ஆதரவாளர்கள் கூடினர். தமிழ் இன உணர்வு அமைப்புகளும் அதில் கலந்து கொண்டன. மூவருக்கும் வழங்கப்பட்ட தூக்கு தண்டனையை ரத்து செய்ய வேண்டும் என்று அவர்கள் கோஷம் எழுப்பினர்.

“இதனால், மக்களின் ஆதரவு மூவருக்கும் வழங்கப்பட்ட தூக்கு தண்டனையை ரத்து செய்ய வேண்டும் என்ற ரீதியில் இருப்பது போன்ற ஒரு தோற்றம் ஏற்படுகிறது. அது நியாயமல்ல” என்பதே ஜி.கே.மூப்பனார் பேரவை தலைவரின் வாதம்.

ஜி.கே.மூப்பனார் பேரவை, காங்கிரஸ் கட்சியின் துணை அமைப்புகளில் ஒன்றாக செயல்படும் ஒரு பிரிவு.

இந்த அமைப்பின் பெயரில் உள்ள ஜி.கே.மூப்பனார், ராஜிவ் காந்தி கொல்லப்பட்ட தினத்தன்று, குண்டு வெடித்த மைதானத்துக்கு ராஜிவ் காந்தியை அழைத்து வந்தவர். அந்த மைதானத்துக்கு அருகே வரை ராஜிவ் காந்தியுடன் இணைந்து வந்தார் அவர். ஆனால், மேடை வரை கூடவே செல்லாமல், பாதியில் ராஜிவ் காந்தியில் இருந்து விலகி, ஒரு மரத்தின் கீழ் காத்திருக்க, மேடைக்கு அருகே நடந்த குண்டுவெடிப்பில் ராஜிவ் காந்தி கொல்லப்பட்டார்.

ஜி.கே.மூப்பனாரின் இளவல் ஜி.கே.வாசன், தற்போது மத்திய அரசில் கப்பல் போக்குவரத்து துறை அமைச்சராக உள்ளார்.

தழிழக அரசு எதிர்க்கும் நிலையிலும், மூவர் மீதான வழக்கு விசாரணையை டில்லிக்கு கொண்டு செல்வதில் இன்னமும் தீவிரமாக உள்ளது ஜி.கே.மூப்பனார் பேரவை.

திரும்பிப் பாருங்கள்:

ராஜிவ் காந்தி கொலை: பரபரப்பான விமான நிலையத்தில் காத்திருந்த இரு எதிரிகள்!

விமான நிலையத்தில் மரகதம் சந்திரசேகருடன் தமிழ்நாடு காங்கிரஸ் கட்சியின் இரு பிரதான தலைவர்களான வாழப்பாடி ராமமூர்த்தி, ஜி.கே. மூப்பனார் (இருவருமே தற்போது உயிருடன் இல்லை) ஆகியோரும் காத்திருந்தனர். இந்த இருவரும் ஒரே கட்சியைச் சேர்ந்தவர்கள்தான் என்றாலும்….