உலகம்

எல்லை அருகே ஒரு ரகசிய சப்ளை சென்டர்! மூன்று நாடுகள் ரகசிய டீல்!!

Viruvirupu, Monday 06 August 2012, 07:30 GMT

இலங்கையில் விடுதலைப் புலிகளுக்கு எதிரான இறுதி யுத்தம் நடந்தபோது, பல நாடுகள் வெவ்வேறு விதமாக உதவின என்று சொல்லப்பட்டது. இருப்பினும், எப்படி உதவினார்கள் என்ற கதை பெரியளவில் வெளியே வரவில்லை. காரணம், இன்டர்நேஷனல் மீடியாவின் கவனம், இலங்கை யுத்தத்தில் பெரிதாக பதியவில்லை.

ஆனால், சிரியாவில் தற்போது நடக்கும் உள்நாட்டு யுத்தத்தில் கதை வேறு! உலக மீடியா முழுவதும் அங்கே, காதுகளையும் கண்களையும் திறந்து வைத்துக் கொண்டு காத்திருக்கின்றன.

இதனால் பல ரகசியங்கள், உத்தரவு போட்ட எக்கோ மறைவதற்கு முன்னரே வெளியே தெரியவந்து விடுகின்றன. அந்த வகையில் வெளியான ரகசியம் ஒன்று இது.

சிரியா அரசுக்கு எதிராக போராடும் போராளி அமைப்புக்கு உதவி செய்வதற்காக, துருக்கி ரகசிய ஆபரேஷன் சென்டர் ஒன்றை சிரியா நாட்டு எல்லைக்கு அருகே அமைத்துள்ளது.

துருக்கி - சிரியா எல்லை

துருக்கியையும், சிரியாவையும் ஒரு எல்லை பிரிக்கிறது. துருக்கியின் தெற்குப் பகுதியில் உள்ள நகரமான அடானா, சிரியாவின் எல்லையில் இருந்து சுமார் 100 கி.மீ. தொலைவில் உள்ளது. இந்த நகரத்தில்தான் இயங்குகிறது, ரகசிய ஆபரேஷன் சென்டர். சிரியாவுக்குள் யுத்தம் புரியும் போராளி அமைப்புடன் நேரடி வயர்லெஸ் தொடர்பு ஏற்படுத்தப்பட்டுள்ளது.

யுத்தம் புரியும் போராளி அமைப்புக்கு ராணுவ ஆலோசனைகள் இங்கிருந்து வழங்கப்படுகின்றன. அவர்கள் தம்மிடம் ஆயுதங்கள் மற்றும் வெடிப்பொருள்கள் கையிருப்பு குறைவதை இந்த ரகசிய சென்டருக்கு அறிவித்தால், உடனே சிரியாவின் எல்லைக்கு சப்ளை அனுப்பி வைக்கப்படுகிறது.

அத்துடன் யுத்தத்தில் காயமடையும் போராளிகளுக்கு தேவையான மருந்துப் பொருள்களும், இந்த ஆபரேஷன் சென்டரில் இருந்தே போகின்றன.

துருக்கி தமது நாட்டுக்குள் வைத்து இயக்கும் அந்த ரகசிய ஆபரேஷன் சென்டருக்கு, சவுதி அரேபியா மற்றும் கத்தார் ஆகிய இரு நாடுகளும் மறைமுகமாக நிதி மற்றும் ஆயுத உதவிகளை செய்வதாகவும் கூறப்படுகிறது.

அதே நேரத்தில் ஆஃப்கோர்ஸ், இப்படி ஒரு ரகசிய ஆபரேஷன் சென்டர் இயங்குவதை மூன்று நாடுகளும் மறுத்திருக்கின்றன!

Follow viruvirupu on Twitter
∇ LATEST UPDATES ∇
பிரீமியம் கட்டுரைகள்>Ⓟ
ரோல்ஸ்-ராய்ஸ் பக்கம் திரும்பிய எமிரேட்ஸ் ஏர்வேஸ்! அமெரிக்காவுடன் என்ன கோபம்?Ⓟ Saturday 18 April 09:05 GMT
ஈராக்கில் கொல்லப்பட்ட சதாமின் ‘மிக கொடூரமான’ துணைத் தலைவர்!Ⓟ Saturday 18 April 08:25 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-46Ⓟ Saturday 18 April 07:46 GMT
அமெரிக்க உளவுத்துறை சி.ஐ.ஏ., ஜேர்மனிக்குள் வைத்து நடத்தும் ஆபரேஷன் அம்பலம்!Ⓟ Saturday 18 April 06:27 GMT
ஹமாஸ் இயக்க சிலீப்பர் செல்கள் இஸ்ரேலிய உளவுத்துறை ஷின்-பெட்டிடம் சிக்கினர்Ⓟ Thursday 16 April 07:11 GMT
திக்ரித் தோல்விக்குப்பின் ISIS மேற்கொள்ளும் அடுத்த தந்திர ராணுவ நகர்வுⓅ Thursday 16 April 04:45 GMT
ஹமாஸ் இயக்கத்துக்கு ஆஸ்திரிய ஸ்னைப்பர் துப்பாக்கிகள் கடத்தி செல்லப்பட்டது எப்படி?Ⓟ Wednesday 15 April 06:04 GMT
ஆபரேஷன் இலங்கை: ராஜதந்திரத்தில் தொடங்கி துப்பாக்கி வரை சென்ற இந்தியா!-45Ⓟ Tuesday 14 April 14:23 GMT
லண்டன் ஐ.பி.சி. தமிழ் தொலைக்காட்சியில் மே 1 முதல் உளவாளிகளின் மர்ம உலகம் Tuesday 14 April 04:15 GMT
வாசகர்களுக்கு எமது இனிய புத்தாண்டு வாழ்த்துக்கள் -ரிஷி & விறுவிறுப்பு.காம் டீம் Tuesday 14 April 03:58 GMT